របាយការណ៍ស្តីពីការបោះឆ្នោតជ្រើសតាំងតំណាងរាស្រ្តឆ្នាំ១៩៩៨ នៅកម្ពុជា

ក្រោយពីព្រឹត្តិការណ៍រដ្ឋប្រហារ ៥-៦ កក្កដា ឆ្នាំ១៩៩៧ នៅរាជធានីភ្នំពេញ ការបោះឆ្នោតឃុំសង្កាត់ដែលបានគ្រោងទុក ត្រូវបានពន្យារពេលដោយទាន់ហន់។ ដោយសារប្រទេសកម្ពុជា គ្រោងនឹងរៀបចំការបោះឆ្នោតជាតិដោយខ្លួនឯងលើកទី១ គណៈកម្មាធិការខុមហ្វ្រែល បានខិតខំបញ្ចុះបញ្ចូលរដ្ឋសភា សម្រាប់ការធ្វើវិសោធនកម្មលើច្បាប់បោះឆ្នោតថ្មី ដែលនឹងជំនួសច្បាប់បោះឆ្នោតរបស់អ៊ុនតាក់ ក្នុងនោះ គណៈកម្មាធិការជាតិរៀបចំការបោះឆ្នោត ត្រូវទទួលខុសត្រូវចំពោះមុខរដ្ឋសភា។ ខុមហ្វ្រែល បានដាក់ពង្រាយអ្នកសង្កេតការណ៍ជាតិ ៦,០០០ នាក់ នៅតាមការិយាល័យប្រមាណជា ៥០ % ទូទាំងប្រទេស។ ទោះជាមានបញ្ហារច្រើន ការបោះឆ្នោតកាលពីថ្ងៃទី ២៦ ខែកក្កដា ឆ្នាំ១៩៩៨ មានបរិយាកាសល្អប្រសើរច្រើនសម្រាប់ប្រជាធិបតេយ្យ ជាពិសេសអត្រាអ្នកចុះឈ្មោះបោះឆ្នោតច្រើន យុទ្ធនាការបោះឆ្នោតដោយគ្មានហិង្សារ និង បរិយាកាសវិជ្ជមាននៅថ្ងៃបោះឆ្នោត។ កិច្ចប្រជំុពេញអង្គនៃរដ្ឋសភា បានប្រព្រឹត្តទៅនៅថ្ងៃទី ៣០ ខែវិច្ឆិកា ឆ្នាំ១៩៩៨ ដើម្បីបោះឆ្នោតទុកចិត្តដល់រាជរដ្ឋាភិបាលចម្រុះថ្មី។