គិតត្រឹមម៉ោង ០៧ព្រឹកថ្ងៃទី២៣ ខែកក្កដា ឆ្នាំ២០២០ ករណីវិជ្ជមានវីរុសកូវីដ-១៩ថ្មី ចំនួន០១នាក់ ជាបុរសអាយុ២៨ឆ្នាំ មានអាសយដ្ឋាននៅភូមិគោកត្នោត ឃុំកណ្តែត ស្រុក​ប្រាសាទបាគង ខេត្តសៀមរាប ជាអ្នកធ្វើដំណើរតាមជើងហោះហើរមកពីប្រទេសរុស្សី ដែលបានហោះហើរនៅប្រទេសម៉ាឡេស៊ី (MH754) មកដល់កម្ពុជាថ្ងៃទី១៩ ខែកក្កដា ឆ្នាំ២០២០ ម៉ោង១២:៥៥នាទី រសៀល បច្ចុប្បន្នត្រូវបានដាក់ឱ្យសម្រាកព្យាបាលនៅមណ្ឌលសុខភាពចង្រែ រាជធានីភ្នំពេញ។ ករណីជាសះស្បើយ ជាបុរសជនជាតិខ្មែរ ចំនួន ០២នាក់៖ បុរសជនជាតិខ្មែរ អាយុ ២៦ឆ្នាំ មានអាសយដ្ឋាននៅភូមិចុងខ្សាច់ ឃុំទួលទទឹង ស្រុកព្រៃនប់ ខេត្តព្រះសីហនុ និងបុរសជនជាតិខ្មែរ អាយុ ២៥ឆ្នាំ មានអាសយដ្ឋាននៅភូមិទួលទទឹង ឃុំទួលទទឹង ស្រុកព្រៃនប់ ខេត្តព្រះសីហនុ។ ពួកគាត់ទាំងពីរជាអ្នកធ្វើដំណើរមកពីប្រទេសឥណ្ឌូណេស៊ី។

• ភាសាខ្មែរ