អនុក្រឹឹត្យលេខ ១៣៣ ស្តីពីការធ្វើអនុប្បយោគ បានសម្រេចធ្វើអនុប្បយោគផ្ទៃដីទំហំ ៣៦ ៧៨៣ម៉ែត្រការ៉េ (សាមសិបប្រាំមួយពាន់ប្រាំពីររយប៉ែតសិបបីម៉ែត្រការ៉េ) មានទីតាំងស្ថិតនៅភូមិអូរញ ឃុំបឹងព្រីង ស្រុកថ្មគោល ខេត្តបាត់ដំបង ដែលជាទ្រព្យសម្បត្តិសាធារណៈរបស់រដ្ឋ មកជាទ្រព្យសម្បត្តិឯកជនរបស់រដ្ឋ ដើម្បីធ្វើប្រទានកម្មជូនមន្ត្រីរាជការ និវត្តន៍ជន និងប្រជាជនចំនួន ៤៤គ្រួសារ។ ផ្ទៃដីដែលបានធ្វើអនុប្បយោគដូចមានកំណត់ក្នុងមាត្រា១នេះ ត្រូវបានចាត់ចែងនីតិវិធីបន្តដោយក្រសួងកសិកម្ម រុក្ខាប្រមាញ់ និងនេសាទ ជាអាជ្ញាធរកាន់កាប់ និងក្រសួងសេដ្ឋកិច្ច និងហិរញ្ញវត្ថុ ជាអាជ្ញាធរគ្រប់គ្រងព្រមទាំងសហការជាមួយក្រសួង ស្ថាប័នពាក់ព័ន្ធ និងអាជ្ញាធរដែនដី ក្នុងការលុបចេញពីបញ្ជីសារពើភណ្ឌទ្រព្យសម្បត្តិរដ្ឋ ដើម្បីធ្វើប្រទានកម្មជូនមន្ត្រីរាជការ និវត្តន៍ជន និងប្រជាជនចំនួន ៤៤គ្រួសារ ស្របតាមនីតិវិធីជាធរមាន។

• ភាសាខ្មែរ