គិតត្រឹមម៉ោង ៧ ព្រឹកថ្ងៃទី ២៩ ខែមេសា ឆ្នាំ ២០២១ មានករណីវិជ្ជមានថ្មីចំនួន ៨៨០ ករណី មានករណីជាសះស្បើយនៃកូវីដ-១៩ ចំនួន ២៨៨ នៅកម្ពុជា។ ក្នុងចំណោមអ្នកដែលត្រូវបានរកឃើញវិជ្ជមានកូវីដ-១៩ មាន ៥១៨ ករណីនៅរាជធានីភ្នំពេញ ១៨៧ ករណីនៅព្រះសីហនុ ៧៣ករណីនៅកណ្ដាល ៣៦ករណីនៅបន្ទាយមានជ័យ ពីរករណីនៅព្រៃវែង មួយករណីនៅកោះកុង ៣៩ករណីនៅកំពង់ចាម មួយករណីនៅសៀមរាប ៩ករណីនៅកំពង់ស្ពឺ មួយករណីនៅត្បូងឃ្មុំ បួនករណីនៅកំពង់ធំ បីករណីនៅកំពង់ឆ្នាំង ប្រាំករណីនៅតាកែវ និងមួយករណីនៅពោធិ៍សាត់។ ចំណែកឯអ្នកដែលបានជាសះស្បើយពីកូវី-១៩ គឺជាករណីដែលពាក់ព័ន្ធនឹងព្រឹត្តិការណថ្ងៃទី ២០ ខែកុម្ភៈ និងករណីនាំចូលហើយអ្នកទាំងនេះត្រូវបានព្យាបាលអោយជាសះស្បើយ ២២៥ករណីនៅភ្នំពេញ ៣៦ករណីនៅព្រះសីហនុ ១១ករណីនៅកណ្ដាល មួយករណីបាត់ដំបង មួយករណីសៀមរាប មួយករណីនៅត្បូងឃ្មុំ និង១៣ករណីនៅស្វាយរៀង។ មានករណីស្លាប់ចំនួនបីករណី ដែលពីរករណីនៅភ្នំពេញ និងមួយករណីនៅព្រះសីហនុ។

• ភាសាខ្មែរ