ដោយទទួលស្គាល់ថា កង្វះព័ត៌មានទឹកជំនន់ និងការប្រកាសឱ្យដឹងជាមុន គ្រួសារកម្ពុជាជាច្រើនពុំអាចត្រៀមខ្លួនរួចរាល់សម្រាប់ទប់ទល់នឹងគ្រោះទឹកជំនន់ ដែលបណ្តាលឱ្យមានការខាតបង់ធនធានមនុស្ស និងសេដ្ឋកិច្ចយ៉ាងគួរអោយកត់សម្គាល់។ អង្គការ People In Need (ភីន) បានគាំទ្របន្ថែមទៀតដល់រាជរដ្ឋាភិបាលកម្ពុជាក្នុងការកាត់បន្ថយហានិភ័យគ្រោះមហន្តរាយ និងការទប់ទល់នឹងគ្រោះទឹកជំនន់។ ដូច្នេះហើយទើបនៅក្នុងឆ្នាំ ២០១៣ ប្រព័ន្ធ EWS1294 បានចាប់ផ្តើមរឿងរ៉ាវរបស់ខ្លួន ដើម្បីឆ្លើយតបទៅនឹងអវត្តមាននៃប្រព័ន្ធប្រកាសឱ្យដឹងទុកជាមុននៅក្នុងប្រទេសកម្ពុជា។ ការដាក់ឈ្មោះតាមលេខកូដខ្លីចល័ត “1294” ប្រព័ន្ធ EWS1294 បានចាប់ផ្តើមដំបូងជាប្រព័ន្ធផ្សព្វផ្សាយព័ត៌មានឱ្យដឹងមុនតាមរយៈសារសំលេងតាមទូរសព្ទចល័ត ដែលបានសាកល្បងនៅក្នុងភូមិចំនួនបី ក្នុងខេត្តពោធិសាត់ក្នុងឆ្នាំ២០១៣។ ក្នុងរយៈពេល ៩ឆ្នាំកន្លងមកនេះ ប្រព័ន្ធ EWS1294 បានឃើញវឌ្ឍនភាពក្នុងការពង្រីករបស់ខ្លួននៅទូទាំងប្រទេសកម្ពុជា។ សូមថ្លែងអំណរគុណចំពោះការគាំទ្រពីម្ចាស់ជំនួយអន្តរជាតិ និងកិច្ចសហការយ៉ាងជិតស្និទ្ធជាមួយគណៈកម្មាធិការជាតិគ្រប់គ្រងគ្រោះមហន្តរាយ (NCDM) កន្លងមក។

• ភាសាអង់គ្លេស