កាលពីថ្ងៃទី២៧ ខែកក្កដា ឆ្នាំ២០០៨ ប្រទេសកម្ពុជា បានរៀបចំការបោះឆ្នោត សម្រាប់នីតិកាលទី៤ នៃរដ្ឋសភា។ ក្នុងអំឡុងពេលបោះឆ្នោត បេក្ខជនឈរឈ្មោះ ២,៤៧៨ នាក់ (១,១៦២ បេក្ខជនពេញសិទ្ធិ និង ១,៣១៦ បេក្ខជនបំរុង) បានចូលរួមប្រកួតប្រជែងក្នុងការបោះឆ្នោត សម្រាប់ ១២៣ អាសនៈនៃរដ្ឋសភា។ លទ្ធផលផ្លូវការនៃការបោះឆ្នោត បង្ហាញថា គណបក្សនយោបាយ ចំនួន ៥​ បានទទួលការគាំទ្រពីប្រជាពលរដ្ឋខ្មែរ ដោយទទួលបានអាសនៈក្នុងរដ្ឋសភា៖ គណបក្សប្រជាជនកម្ពុជា ៩០ អាសនៈ គណបក្សសមរង្ស៊ី ២៦ អាសនៈ គណបក្សសិទ្ធិមនុស្ស ៣ អាសនៈ គណបក្សហ៊ុនស៊ិនបុិច ២ អាសនៈ និងគណបក្សនរោត្តមរណឫទ្ធិ ២ អាសនៈ។ ក្នុងចំណោម ១២៣ អាសនៈ បេក្ខជនជាប់ឆ្នោតជាស្រ្តី មាន ២៧ នាក់ ស្មើនឹង ២២% នៃតំណាងរាស្រ្តជាប់ឆ្នោតទាំងអស់ មកពីគណបក្សប្រជាជនកម្ពុជា និង គណបក្សសមរង្ស៊ី ។

• ភាសាអង់គ្លេស