យូអេនអេហ្វភីអេ-មូលនិធិសហប្រជាជាតិសម្រាប់ប្រជាជនបង្កើនការធ្វើមូលដ្ឋានីយកម្មនៃគោលដៅអភិវឌ្ឍន៍ប្រកបដោយនិរន្តរភាពនៅក្នុងប្រទេសកម្ពុជា

គោលដៅអភិវឌ្ឍន៍ប្រកបដោយនិរន្តរភាពទាំង១៧ ត្រូវបានមហាសន្និបាតអង្គការសហប្រជាជាតិនៅក្នុងទីក្រុងញ៉ូយកកាលពីខែ កញ្ញា ឆ្នាំ ២០១៥ ដែលមានគោលបំណងដើម្បីធ្វើឱ្យពិភពលោកកាន់តែប្រសើរនៅក្នុងរយៈពេល ១៥ឆ្នាំ ខាងមុខ។ គោលដៅជាច្រើនត្រូវបានឯកភាពដោយថ្នាក់ដឹកនាំពិភពលោកនានា ដែលផ្តល់នូវគន្លងដើម្បីពង្រឹងការប្តេជ្ញាចិត្ត និងត្រៀមសកម្មភាពដើម្បីបញ្ចប់ភាពក្រីក្រ និងរក្សាស្ថេរភាពសន្តិភាពនៅលើពិភពលោក។ ការកំណត់សារៈសំខាន់អំពីការប្តេជ្ញាចិត្តជាសកល និងការទទួលខុសត្រូវនៅកម្រិតថ្នាក់ប្រទេស ក្រសួងផែនការបានដឹកនាំការត្រួតពិនិត្យ និងពិភាក្សាពីរបៀបវារៈខាងមុខជាមួយក្រសួងពាក់ព័ន្ធ ដោយប្រើប្រាស់យន្តការក្រុមការងារបច្ចេកទេសជាតិដែលមានស្រាប់។ នៅក្នុងការបោះជំហានឈាននៅក្នុងសន្ទុះដ៏សំខាន់នេះ និងពឹងផ្អែកលើទំនាក់ទំនងរវាងគោលដៅអភិវឌ្ឍន៍ប្រកបដោយនិរន្តរភាព និងមនុស្សជាតិ យូអេនអេហ្វភីអេបានផ្តល់ការគាំទ្រយ៉ាងខ្លាំងដល់ដំណើរការធ្វើមូលដ្ឋានីយកម្មគោលដៅអភិវឌ្ឍន៍ប្រកបដោយនិរន្តរភាព នៅក្នុងអាទិភាពនានានៃប្រទេសកម្ពុជា។