ផលប៉ះពាល់ផ្នែកសេដ្ឋកិច្ច សង្គម និងបរិស្ថាននៃការជំរុញវិស័យឧស្សាហកម្មបៃតងនៅកម្ពុជា

របាយការណ៍នេះត្រូវបានរៀបចំឡើងនៅក្នុងក្របខណ្ឌនៃកម្មវិធីការតម្រង់ទិសគោលនយោបាយសម្រាប់កំណើនបៃតង ២០១៧–២០១៨ ដែលសម្របសម្រួលដោយក្រុមការងារកម្មវិធី ដែលរួមមាន ក្រុមប្រឹក្សាជាតិដើម្បីការអភិវឌ្ឍប្រកបដោយចីរភាព (NCSD), ឧត្ដមក្រុមប្រឹក្សាសេដ្ឋកិច្ចជាតិ (SNEC), ក្រសួងសេដ្ឋកិច្ច និងហិរញ្ញវត្ថុ (MEF), ក្រសួងផែនការ (MoP), និង វិទ្យាស្ថានអភិវឌ្ឍន៍បៃតងសកល (GGGI)។ ដូចដែលបានចង្អុលបង្ហាញនៅក្នុងគោលនយោបាយអភិវឌ្ឍន៍ឧស្សាហកម្មកម្ពុជា ២០១៥–២០២៥ វិស័យឧស្សាហកម្មកំពុងស្ថិតនៅត្រង់ចំណុចប្រសព្វដ៏សំខាន់មួយ។ ការសិក្សានេះផ្តល់ភស្តុតាងអំពីអត្ថប្រយោជន៍សេដ្ឋកិច្ច និងសង្គមនៃការប្រែក្លាយវិស័យឧស្សាហកម្មកម្ពុជាឲ្យទៅជាបៃតង។ វាពិនិត្យមើលអត្ថប្រយោជន៍ទាំងនៅកម្រិតក្រុមហ៊ុន និងផលចំណេញទូទាំងសេដ្ឋកិច្ច។ របាយការណ៍នេះមានគោលបំណងផ្តល់ព័ត៌មានសម្រាប់ការរៀបចំអាទិភាពកំណើនបៃតងក្នុងដំណាក់កាលបន្ទាប់ (ឆ្នាំ២០១៩–២០២៣) នៃផែនការគោលនយោបាយ និងផែនការវិនិយោគជាតិរបស់កម្ពុជា ដែលហៅថា ផែនការយុទ្ធសាស្ត្រអភិវឌ្ឍន៍ជាតិ (ផ.យ.អ.ជ.) ។