ការបើកទូលាយ៖ វិថីនៃសន្តិសុខថាមពលប្រកបដោយចរីភាពនៅកម្ពុជា

របាយការណ៍នេះបានធ្វើការសង្កេតទៅលើសក្តានុពលនៃបច្ចេកវិទ្យាចម្រុះក្នុងការផ្គត់ផ្គង់អគ្គីសនីពីប្រភពផ្សេងៗនៅកម្ពុជា សម្រាប់ធានាបាននូវសន្តិសុខថាមពលអោយកាន់តែប្រសើរឡើង និងផ្តល់អត្ថប្រយោជន៍ក្នុងរយៈពេលយូរអង្វែង ដោយសារតែមានការប្រែប្រួលតម្លៃនៃបច្ចេកវិទ្យា។ នាពេលបច្ចុប្បន្ននេះ ការវិនិយោគលើវិស័យថាមពលភាគច្រើនផ្តោតទៅលើការបង្កើតទំនប់វារីអគ្គីសនីខ្នាតធំ និង ការដុតចំហេះធ្យូងថ្ម។ រាជរដ្ឋាភិបាលនៃព្រះរាជាណាចក្រកម្ពុជា (RGC) បានបញ្ជាក់អំពីការផ្តល់អាទិភាពលើការវិនិយោគវិស័យថាមពលប្រកបដោយចរីភាព [1]: ដោយសារនៃតម្លៃបច្ចេកវិទ្យាថ្មីៗកាន់តែប្រសើរនាពេលបច្ចុប្បន្ន អាចញ៊ំាងអោយរាជរដ្ឋាភិបាលកម្ពុជាស្វែងរកសន្តិសុខថាមពល ការប្រើប្រាស់ និងអាចកំណត់គោលដៅមួយដែលអាចសម្រេចបាន យ៉ាងហោចណាស់អាចធ្វើបានតាមរយៈការបង្កើនទុនក្នុងការវិនិយោគលើថាមពលកកើតឡើងវិញ (មិនមែនវារីអគ្គីសនី)។