ការស្ទង់មតិប្រជាជនកម្ពុជាជាសាធារណៈ (មករា ២០០៧)

ការស្ទង់មតិនេះ ត្រូវបានធ្វើឡើងជាមួយនឹងប្រជាជនកម្ពុជា ២,០០០នាក់ ជាគំរូ ចាប់ពីថ្ងៃទី ២០ ខែធ្នូ ឆ្នាំ២០០៦ ដល់ថ្ងៃទី ២០ ខែមករា ឆ្នាំ២០០៧ នៅទូទាំង២៤ខេត្តរាជធានី។ ៧១% នៃប្រជាជនដែលត្រូវបានសម្ភាសន៍ មានអារម្មណ៍ថា ប្រទេសជាតិកំពុងឈ្ពោះទៅមុខក្នុងទិសដៅត្រូវ ដោយសារការធ្វើឲ្យប្រសើរឡើងខាងហេដ្ឋារចនាសម្ព័ន្ធ បទល្មើស/សន្តិភាព និងការអភិវឌ្ឍសេដ្ឋកិច្ច ខណៈដែល ២៩% ចង្អុលទៅអំពើពុករលួយ តម្លៃប្រេងសាំង/អតិផរណា ភាពក្រីក្រ បក្សពួកនិយម ប្រាក់ឈ្នួល និងបទល្មើស ជាមូលហេតុនៃទុទិដ្ឋិនិយម និងភាពមិនពេញចិត្ត របស់ពួកគេ។ នៅពេលស្នើឲ្យរើសយកបញ្ហាតែមួយ ដែលប៉ះពាល់ខ្លាំងបំផុតលើជីវភាពប្រចាំថ្ងៃ ភាពគ្មានការងារ/ប្រាក់ឈ្នួល តម្លៃថាមពល និងបញ្ហារទាក់ទងសុខភាព ត្រូវបានកំណត់ថាជាបញ្ហារគួរឲ្យបារម្ភបំផុត។