រាជរដ្ឋាភិបាលនៃព្រះរាជាណាចក្រកម្ពុជា សម្រាប់អាណត្តិទី៤ ដែលមានសមាជិកសរុប ២៤៩រូប ត្រូវបានបង្កើតឡើងកាលពីថ្ងៃទី ២៥ ខែកញ្ញា ឆ្នាំ២០០៨ ដោយការបោះឆ្នោតទុកចិត្តពីរដ្ឋសភា ដោយសំឡេង ៩៤/៩៤ អវត្តមានតំណាងរាស្រ្តមកពីគណបក្សប្រឆាំង គណបក្សសមរង្ស៊ី និងគណបក្សសិទ្ធិមនុស្ស។ កម្មវិធីនយោបាយ ៤៨ចំណុច របស់រាជរដ្ឋាភិបាល ត្រូវបានយកមកអនុវត្តតាមរយៈការធ្វើសមាហរណកម្មទៅក្នុង"យុទ្ធសាស្រ្តចតុកោណ ដើម្បីកំណើន ការងារ សមធម៌ ប្រសិទ្ធភាព ដំណាក់កាលទី២"។ យ៉ាងនេះក្តី គណៈកម្មាធិការខុមហ្វ្រែល រកឃើញតែ១០ចំណុចប៉ុណ្ណោះ ដែលមានសូចនាករច្បាស់លាស់ ដែលជាកម្មវត្ថុនៃការសិក្សារបស់របាយការណ៍នេះ។ ជាលទ្ធផលនៃការសិក្សា ក្នុងចំណោមការសន្យានិងកម្មវិធីនយោបាយ ១០ ចំណុច នោះគណៈកម្មាធិការរកឃើញថា រាជរដ្ឋាភិបាលដឹកនាំដោយគណបក្សប្រជាជនកម្ពុជា អនុវត្តនិងសម្រេចបានតែ ៥ ចំណុចប៉ុណ្ណោះ ខណៈដែលចំណុចទាំងនោះ នៅតែមានការចោទសួរពីគុណភាពរបស់វា ដោយអ្នកសង្កេតការ និងអ្នកវិភាគខ្លះ។

• ភាសាខ្មែរ