របាយការណ៍និន្នាការវិនិយោគរបស់ក្រុមហ៊ុនតៃវ៉ាន់ក្នុងតំបន់អាស៊ាន ២០១៨-២០២៤

របាយការណ៍នេះបង្ហាញអំពីនិន្នាការវិនិយោគរបស់ក្រុមហ៊ុនសកលលោក និងក្រុមហ៊ុនតៃវ៉ាន់នៅក្នុងតំបន់អាស៊ាន ចាប់ពីឆ្នាំ២០១៨ ដល់ឆ្នាំ២០២៤។ របាយការណ៍បានរកឃើញថា ការវិនិយោគសកលលោកមានការកើនឡើងខ្លាំងបំផុតបន្ទាប់ពីមានជំងឺរាតត្បាតកូវីដ​ ១៩ ខណៈពេលដែលក្រុមហ៊ុនតៃវ៉ាន់បានពង្រីកការវិនិយោគរបស់ពួកគេក្នុងអំឡុងពេលមានជម្លោះពាណិជ្ជកម្មរវាងសហរដ្ឋអាមេរិក និងចិន ជាពិសេសនៅក្នុងប្រទេសវៀតណាម។ គិតត្រឹមឆ្នាំ២០២៤ មានក្រុមហ៊ុនតៃវ៉ាន់ប្រហែល ៦,២០០ ក្រុមហ៊ុនកំពុងដំណើរការអាជីវកម្មនៅក្នុងតំបន់អាស៊ាន ដោយរកចំណូលបានប្រចាំឆ្នាំសរុបលើសពី ២៦០ ប៊ីលានដុល្លារអាមេរិក។ លទ្ធផលទាំងនេះបង្ហាញថា ''គោលនយោបាយឆ្ពោះទៅទិសខាងត្បូងថ្មី'' (New Southbound Policy) របស់តៃវ៉ាន់ បានពង្រឹងទំនាក់ទំនងសេដ្ឋកិច្ច និងការវិនិយោគជាមួយអាស៊ានឱ្យកាន់តែរឹងមាំ។