ការប្រឆាំងទៅនឹងសំណើរសាងសង់ទំនប់វារីអគ្គិសនីស្ទឹងជ័យអារ៉ែង

តំបន់សម្រាប់ការស្ថាបនាទំនប់វារីអគ្គិសនីស្ទឹងជ័យអារ៉ែងដែលមានអនុភាពផលិតចំនួន ២៦០ មេហ្គាវ៉ាត់ស្ថិតនៅក្នុងព្រៃការពារនៃភាគកណ្តាលជួរភ្នំក្រវាញ។ រដ្ឋាភិបាលបានចុះកិច្ចសន្យាជាមួយក្រុមហ៊ុន Sinohydro Resources របស់ចិនដើម្បីសាងសង់ទំនប់នេះ។ យោងតាមអ្នកសិក្សាស្រាវជ្រាវផ្នែកកិច្ចការអន្តរជាតិមួយរូបរបស់សាកលវិទ្យាល័យ Princetonបានឱ្យដឹងថា បើទំនប់នេះសាងសង់បានសម្រេច ផលប៉ះពាល់ដែលរំពឹងទុករួមមានការលិចលង់នៃភូមិរបស់ប្រជាពលរដ្ឋក្នុងមូលដ្ឋាន ប៉ះពាល់ទៅដល់ជនជាតិដើមភាគតិចពិសេសទៅកាន់ដីធ្លីរបស់ពួកគេ និងប៉ះពាល់ដល់ជម្រកធម្មជាតិរបស់សត្វព្រៃជិតផុតពូជគឺសត្វក្រពើភ្នំ។