កូនសៀវភៅអំពីទិន្នន័យបើកទូលាយ

សៀវភៅនេះ នឹងរៀបរាប់អំពីរបៀបបើកសក្តានុពលនៃព័ត៌មានផ្លូវការ និង ព័ត៌មានប្រភេទផ្សេងទៀត ដើម្បីសម្រួលដល់ការបង្កើតឱ្យមានសេវាថ្មីៗ ក្នុងគោលបំណងលើកកម្ពស់ជីវភាពរស់នៅរបស់ប្រជាពលរដ្ឋ ក៏ដូចជាធ្វើឱ្យរដ្ឋាភិបាល និងសង្គម ដំណើរការកាន់តែប្រសើរឡើង។ សញ្ញាណនៃទិន្នន័យបើកទូលាយ និងសារសំខាន់របស់វាសម្រាប់ការរស់នៅរបស់ប្រជាជន, លក្ខខ័ណ្ឌនៃទិន្នន័យបើកទូលាយ និងអាជ្ញាប័ណ្ណបើកចំហ ព្រមទាំងឧទាហរណ៍នានានៃការអនុវត្តទិន្នន័យបើកទូលាយនៅក្នុងបណ្តាប្រទេសអភិវឌ្ឍ ត្រូវបានគ្របដណ្តបក្រោមផ្នែកជាច្រើននៅក្នុងកូនសៀវភៅនេះ។ កូនសៀវភៅនេះមានប្រិយមិត្តអ្នកអានយ៉ាងទូលំទូលាយ រួមមាន៖ អ្នកមិនធ្វើការលើផ្នែកទិន្នន័យ, អ្នកចាត់ទុកខ្លួនឯងជាអ្នកជំនាញទិន្នន័យម្តងម្កាល, មន្ត្រីរាជការ, សកម្មជន, បុគ្គលិកសារព័ត៌មាន, អ្នកស្រាវជ្រាវ, អ្នកនយោបាយ, អ្នកអភិវឌ្ឍកម្មវិធី, អ្នកបច្ចេកទេសជំនាញទិន្នន័យ និងអ្នកដទៃទៀត។ កូនសៀវភៅអំពីទិន្នន័យបើកទូលាយ ត្រូវបានដកស្រង់មកពីអត្ថបទជាភាសាអង់គ្លេស នៃស្នាដៃដើម Open Data Handbook កំណែ ០.៩ ហើយប្រែសម្រួលជាខេមរភាសា ដើម្បីសម្រាប់ប្រជាជនកម្ពុជាប្រើប្រាស់យ៉ាងទូលំទូលាយ និងជាពិសេសសហគមន៍ទិន្នន័យបើកទូលាយនៅក្នុងប្រទេសកម្ពុជា។ ដើម្បីចូលទៅកាន់តំណប្រភពឯកសារ៖ http://opendatahandbook.org/guide/en/។