ដំណើរចាកពីគន្លងនៃជំនួយអូស្ត្រាលី និងគម្រោងអយស្ម័យយានដែលបង្កជាបញ្ហានៅកម្ពុជា

គម្រោងស្តារឡើងវិញ និងឯកជនភាវូបនីយកម្មប្រព័ន្ធបណ្តាញផ្លូវដែកនៅកម្ពុជា គឺត្រូវបានបង្កើតឡើងសម្រាប់បុព្វហេតុសេដ្ឋកិច្ចរបស់កម្ពុជាដែលប្រជាជនក្រីក្រអាចចូលរួមចំនែកក្នុងវិធីមួយដែលស្ងប់ស្ងៀម។ តាមរយៈអ្វីដែល ស្ស៊ីវ៉ាបានទស្សទាយទុកថា មានមនុស្សជាច្រើនជឿជាក់ថាកម្មវិធីមួយដែលប្រើប្រាស់ថវិការជំនួយអាចកាត់បន្ថយភាពក្រីក្របាន ប៉ុន្តែការពិតបានធ្វើអោយកាន់តែមានផលអាក្រក់ឡើងសម្រាប់ការរស់នៅ។ សាច់រឿងនេះត្រូវបានចាប់ផ្តើមតាំងពីឆ្នាំ ២០០៥ នៅពេលដែលធនាគារអភិវឌ្ឍន៍អាស៊ីបានចាប់ផ្តើមចរចារជាមួយរាជរដ្ឋាភិបាលកម្ពុជាក្នុងការធ្វើអោយកាន់តែប្រសើរឡើងនៃខ្សែផ្លូវដែកដែលមិនអាចប្រើប្រាស់បាន ក្រោមល័ក្ខខណ្ឌឯកជនភាវូបនីយកម្ម។ នៅក្នុងខែមិថុនា ឆ្នាំ ២០០៩ ក្រុមហ៊នថុលរ៉ូយ៉ាល់អយស្ម័យយាន ដែលជាសហព័ន្ធនៃក្រុមហ៊ុនថុលនៅប្រទេសអូស្ត្រាលី និងក្រុមហ៊ុនរ៉ួយ៉ាល់គ្រុបនៅប្រទេសកម្ពុជា បានទទួលសម្បទានផ្តាច់មុខក្នុងរយៈពេល ៣០ឆ្នាំ លើផ្លូវរថភ្លើងនៅកម្ពុជា ក្រោយពេលដែលបានចរចារតាំងពីការជ្រើសរើសក្រុមហ៊ុនសម្បទាននៅក្នុងឆ្នាំ ២០០៧។ បន្ទាប់មក អូសអេដ បានយល់ព្រមក្នុងការចូលរួមចំណែកផ្តល់ជំនួយក្នុងទំហំធំ សម្រាប់គម្រោងនេះ និងការពង្រីកហិរញ្ញប្បទានបន្ថែមទៀតរបស់ធនាគារអភិវឌ្ឍន៍អាស៊ី។