របាយការណ៍អភិវឌ្ឍន៍មនុស្សឆ្នាំ ២០២៥ បានបង្ហាញពីនិន្នាការគួរឱ្យព្រួយបារម្ភមួយនៅលើពិភពលោក៖ ការរីកចម្រើនក្នុងការអភិវឌ្ឍន៍មនុស្សកំពុងធ្លាក់ចុះដោយមានអត្រាមិនធ្លាប់មានពីមុនមក។ ទោះបីមានការរំពឹងទុកថានឹងមានការស្តារឡើងវិញយ៉ាងខ្លាំងបន្ទាប់ពីវិបត្តិឆ្នាំ ២០២០–២០២១ ក្តី របាយការណ៍បង្ហាញថាមានតែការកើនឡើងតិចតួចប៉ុណ្ណោះ។ បើមិនរាប់បញ្ចូលឆ្នាំវិបត្តិទាំងនោះ ការប៉ាន់ប្រមាណអំពីការកើនឡើងសកលក្នុងការអភិវឌ្ឍន៍មនុស្សសម្រាប់ឆ្នាំ ២០២៤ គឺមានកម្រិតទាបជាងគេតាំងពីឆ្នាំ ១៩៩០ មក។ ចំពោះប្រទេសកម្ពុជា តម្លៃ HDI ឆ្នាំ ២០២៣ ស្ថិតនៅ ០.៦០៦ ដែលកើនឡើងតិចតួចពី ០.៦០២ ក្នុងឆ្នាំ ២០២២ ដោយដាក់ប្រទេសឲ្យស្ថិតនៅក្នុងប្រភេទអភិវឌ្ឍមនុស្សកម្រិតមធ្យម ហើយបានចំណាត់ថ្នាក់លេខ ១៥១ ក្នុងចំណោមប្រទេស និងតំបន់ចំនួន​ ១៩៣។

• ភាសាអង់គ្លេស