អភិបាលកិច្ចតាមបែបវិមជ្ឈការក្នុងទម្រង់រដ្ឋាភិបាលកូនកាត់: មូលដ្ឋានីយកម្មនៃកំណែទម្រង់វិមជ្ឈការនៅប្រទេសកម្ពុជា

ឯកសារសិក្សានេះ ពិនិត្យលើវឌ្ឍនភាពនៃកំណែទម្រង់វិមជ្ឈការ និងវិសហមជ្ឈការ នៅប្រទេសកម្ពុជា។ ការសិក្សា ពិភាក្សាលើទស្សនបដិបក្សវិជ្ជមាន និងអវិជ្ជមាន ទាក់ទងទៅនឹងការសម្រេចបាននៃកំណែទម្រង់នេះ។ ទិសដៅនៃការធ្វើកំណែទម្រង់នេះ មានពីរផ្នែក៖ ការលើកកម្ពស់ប្រជាធិបតេយ្យនៅថ្នាក់មូលដ្ឋាន និងការកែលម្អការផ្តល់សេវាកម្មនៅថ្នាក់ក្រោមជាតិ។ ជាទ្រឹស្តី ទិសដៅទាំងពីរនេះ គឺទាក់ទងនឹងការសន្មត់ថា វិមជ្ឈការ នឹងនាំមកនូវផលប្រយោជន៍សង្គមកិច្ច សេដ្ឋកិច្ច និង នយោបាយសម្បូរបែប តាមរយៈការពង្រឹងគណនេយ្យភាព និងការឆ្លើយតបរបស់រដ្ឋាភិបាលនៅមូលដ្ឋាន ការចូលរួមរបស់ប្រជាជននៅក្នុងការធ្វើផែនការអភិវឌ្ឍនៅតាមមូលដ្ឋាន និងធ្វើឲ្យភាពជាតំណាងរបស់ប្រជាជនបាត់បង់ឱកាស កាន់តែប្រសើរឡើង។ លទ្ធផលនៃការសិក្សា បង្ហាញថា មានវឌ្ឍភាពល្អជាច្រើន នៅក្នុងការធ្វើកំណែទម្រង់នេះ។ យ៉ាងនេះក្តី ការសម្រេចបាននេះ មិនមានលក្ខណៈឯកភាព និងទូទៅ ដូចដែលត្រូវបានសន្មត់ដោយទ្រឹស្តីទេ។ ជំនួសមកវិញ ការផ្លាស់ប្តូរ និងលទ្ធិផលសម្រេចបាន ត្រូវបានមូលដ្ឋានីយកម្មនៅក្នុងបរិបទនយោបាយកូនកាត់ និងបរិស្ថានទូទៅ ដែលវិមជ្ឈការ កើតមានឡើង។