គោលការណ៍ណែនាំស្តីពីប្រតិបត្តិការ និងថែទាំបណ្តាញលូទឹកកខ្វក់គឺជាការកែសម្រួល និងធ្វើបច្ចុប្បន្នភាពពីគោលការណ៍ណែនាំណែនាំស្តីពីប្រតិបត្តិការ និងថែទាំប្រព័ន្ធទឹកកខ្វក់ដែលបានបោះពុម្ភផ្សាយដោយក្រសួងសាធារណការ និងដឹកជញ្ជូន រួមជាមួយទីភ្នាក់ងារសហប្រតិបត្តិការអន្តរជាតិអាល្ឡឺម៉ង់ (GIZ) និងវិទ្យាស្ថានអភិវឌ្ឍន៍បៃតងសកល (GGGI) ក្នុងឆ្នាំ២០១៨។ ចំណុចខុសគ្នាចំបងនៃគោលការណ៍ណែនាំថ្មីនេះ គឺផ្តោតតែទៅលើប្រតិបត្តិការ និងថែទាំបណ្តាញលូទឹកកខ្វក់ដែលរួមមាន បណ្តាញលូ និងបណ្តាញលូដាច់ដោយឡែកតែប៉ុណ្ណោះ។ ជំពូកដែលពាក់ព័ន្ធនឹងគោលការណ៍ណែនាំចាស់ស្ទើរតែទាំងស្រុងត្រូវបានរក្សាទុក និងបានបន្ថែមជំពូកសំខាន់ៗមួយចំនួនទៀត ទៅតាមការផ្តល់យោបល់ត្រឡប់ពីភាគីពាក់ព័ន្ធនានា។ ការកែសម្រួល និងធ្វើបច្ចុប្បន្នភាពគោលការណ៍ណែនាំនេះគ្រោងនឹងធ្វើឡើងរៀងរាល់ ៤ឆ្នាំម្តង ដោយផ្អែកលើយោបល់ត្រលប់ពីភាគីពាក់ព័ន្ធ អ្នកអនុវត្តផ្ទាល់ និងការផ្លាស់ប្តូរបច្ចេកទេសប្រព័ន្ធអនាម័យ នៅក្នុងប្រទេសផងដែរ។

• ភាសាអង់គ្លេស
• ភាសាខ្មែរ