យុទ្ធសាស្ត្រអភិវឌ្ឍន៍វិស័យកាត់ដេរផលិតស្បែកជើង​ និងកាបូបកម្ពុជា ២០២២-២០២៧

យុទ្ធសាស្ត្រនេះ មានគោលបំណងកំណត់នូវទិសដៅអភិវឌ្ឍន៍រួម បង្កើតភាពឯករាជ្យ និងពង្រឹងភាពប៉ាន់ប្រមាណបាននិងស្ថិរភាពនៃវិស័យកាត់ដេរ​ ផលិតស្បែកជើង និងកាបូបកម្ពុជា ដើម្បីបន្តលើកកម្ពស់ការអភិវឌ្ឍវិស័យនេះប្រកបដោយចីរភាពនិងបរិយាប័ន្ន ដើម្បីសម្រេចបាននូវគោលបំណងនិងចក្ខុវិស័យខាងលើ យុទ្ធសាស្ត្រនេះមានគោលបំណង៖ ១. បន្តពង្រឹងធនធានមនុស្សដើម្បីបង្កើនផលិតភាពនិងបង្កើតគន្លងអាជីពសម្រាប់កម្មករ និយោជិត ២. បន្តធ្វើឪ្យប្រសើរឡើងនូវលក្ខខណ្ឌការងារនិងសុខុមាលភាពរបស់កម្មករ និយោជិត ៣. លើកកម្ពស់ការវិនិយោគក្នុងស្រុកនិងបរទេសក្នុងឧស្សាហកម្មដែលមានតម្លៃបន្ថែមខ្ពស់ និងផ្តោតលើផលិតផលថ្លៃខ្ពស់និងមានលក្ខណះពិសេស ៤. ទាក់ទាញការវិនិយោគនៅក្នុងឧស្សាហកម្មគាំទ្រសម្រាប់បម្រើឱ្យវិស័យនេះ​និង ៥. ជំរុញការធ្វើពិពិធកម្មទីផ្សារសម្រាប់ការនាំចេញផលិតផលកាត់ដេរ ស្បែកជើង និងកាបូប។