សលាកប័ត្រព័ត៌មានលេខ​៣៖ សហគមន៍នេសាទ និងគម្រោងអភិវឌ្ឍន៍នៅតំបន់ឆ្នេរនៃប្រទេសកម្ពុជា

មជ្ឈមណ្ឌលសិទ្ធិមនុស្សកម្ពុជា (“ម.ស.ម.ក”) ចេញផ្សាយសលាកប័ត្រព័ត៌មានទី៣ ស្តីពីសហគមន៍នេសាទ និងគម្រោងអភិវឌ្ឍនៅតំបន់ឆ្នេរសមុទ្រនៃប្រទេសកម្ពុជា។ សលាកប័ត្រព័ត៌មាននេះត្រូវបានចងក្រងឡើង ដើម្បីបំពេញបន្ថែមទៅលើសលាកប័ត្រព័ត៌មានមុនចំនួនពីរដែលចេញផ្សាយដោយមជ្ឈមណ្ឌលសិទ្ធិមនុស្សកម្ពុជាក្នុងឆ្នាំ២០២១ និង២០២២ និងបូកសរុបលទ្ធផលនៃការស្រាវជ្រាវទៅលើគម្រោងអភិវឌ្ឍន៍ចំនួនពីរ កំពុងគំរាមកំហែងសហគមន៍នេសាទនៅតំបន់ឆ្នេរនៃខេត្តកំពត និងខេត្តកែប៖ ទីមួយ គឺពាក់ព័ន្ធនឹងក្រុមហ៊ុន អុមនី កំពត ខូអិលធីឌី (“ក្រុមហ៊ុនអុមនី”) និងមួយទៀតពាក់ព័ន្ធនឹងក្រុមហ៊ុន ជីងគ័រ អាហរ័ណ នីហរ័ណ ខូអិលធីឌី (“ក្រុមហ៊ុនជីងគ័រ”)។ មានគម្រោងអភិវឌ្ឍន៍មួយចំនួនទៀតដែលគំរាមកំហែងសហគមន៍នេសាទ ក៏ត្រូវបានលើកបង្ហាញនៅក្នុងសលាកប័ត្រព័ត៌មាននេះផងដែរ។ សលាកប័ត្រព័ត៌មាននេះ បានធ្វើ សេចក្តីសន្និដ្ឋានរួមទាំងអនុសន៍ជាក់លាក់មួយចំនួនទៅដល់រាជរដ្ឋាភិបាលកម្ពុជា (“រាជរដ្ឋាភិបាល”) និងធុរកិច្ចដើម្បីលើកកម្ពស់ការគោរពសិទ្ធិនេសាទ សិទ្ធិដីធ្លី និងសេរីភាពមូលដ្ឋានសម្រាប់សហគមន៍នេសាទនៅតំបន់ឆ្នេរនិងនៅទូទាំងប្រទេស។