កំណែទម្រង់ការបោះឆ្នោតនៅកម្ពុជា

របាយការណ៍ពិគ្រោះកម្មវិធីនេះ គឺជាលទ្ធផលនៃការសិក្សាលើឯកសារបោះឆ្នោត និងក្របខណ្ឌច្បាប់ និងការពិគ្រោះយោបល់ស៊ីជម្រៅ និងសម្ភាសជាមួយតំណាងភាគីពាក់ព័ន្ធប្រមាណជា ១៥០នាក់ ដែលមកពីពហុវិស័យពាក់ព័ន្ធ ធ្វើឡើងដោយ "គណៈកម្មាធិការអ្នកជំនាញកំនែរទម្រង់ការបោះឆ្នោត"។ ជាទូទៅ អ្នកចូលរួមយល់ថា ដំណើរការបោះឆ្នោតប្រព្រឹត្តទៅកាន់តែរលូនឡើងៗ និងប្រកបដោយសន្តិភាព។ ជាពិសេស ពួកគេបានរាយការណ៍ថា អំពើហិង្សារ និង ការក្លែងបន្លំយ៉ាងធ្ងន់ធ្ងរ (ការលួបហិបឆ្នោត ការគំរាមដោយអាវុធនៅការិយាល័យបោះឆ្នោត ជាដើម) កើតមានដោយកម្រ។ យ៉ាងនេះក្តី បញ្ហារផ្សេងទៀត នៅតែមាន ជាពិសេសទាក់ទងនឹងតម្លារភាពទូទៅនៃដំណើរការបោះឆ្នោត ដូចជា ការចុះបញ្ជី និងបញ្ជីឈ្មោះបោះឆ្នោត ការផ្ទេរការទទួលខុសត្រូវលើការបោះឆ្នោតឲ្យទៅអាជ្ញារមូលដ្ឋាន ប្រព័ន្ធបោះឆ្នោត ប្រព័ន្ធផ្សព្វផ្សាយ និងការដោះស្រាយបណ្តឹង។