នយោបាយបោះឆ្នោតនៅកម្ពុជា៖ គន្លងប្រវត្តិសាស្រ្ត បញ្ហារប្រឈមបច្ចុប្បន្ន និង ទស្សនៈប្រៀបធៀប

ក្រោមការគាំទ្រពីមូលនិធិខុនរ៉ាដអាដិនណៅអ៊ែ ប្រចាំប្រទេសកម្ពុជា សៀវភៅអំពីនយោបាយបោះឆ្នោតនៅកម្ពុជា ត្រូវបានរៀបចំជាជំពូកផ្សេងៗគ្នាដោយផ្តោតលើប្រព័ន្ធបោះឆ្នោត វិបាកខាងនយោបាយនៃប្រព័ន្ធបោះឆ្នោត បទបញ្ជាការបោះឆ្នោតនិងសុចរិតភាពនៃការបោះឆ្នោត ជាមួយទស្សនៈប្រៀបធៀបក្នុងតំបន់ និងសកលលោក។ លោកសាស្រ្តាចារ្យ ក្រ័រសង់ យល់ថាប្រព័ន្ធបោះឆ្នោតបច្ចុប្បន្ននៅកម្ពុជា ជា "យន្តការបញ្ចៀសជម្លោះអាចប្រើប្រាស់បាន" ប៉ុន្តែសង្កត់ធ្ងន់ថា សុចរិតភាពនៃការបោះឆ្នោត គឺជាបញ្ហារអាទិភាពនៃកំណែទម្រង់។ ដើម្បីធ្វើកំណែទម្រង់ ការយល់អំពីធម្មជាតិនយោបាយនៃកំណែទម្រង់បោះឆ្នោត និងបរិបទនយោបាយនៃកំណែទម្រង់ គឺត្រូវការចាំបាច់។ អនុសាសន៍លើកំណែទម្រង់ជាច្រើន ត្រូវបានលើកមកពិភាក្សា រួមមាន ឯករាជ្យភាព ភាពមិនប្រកាន់បក្ស និងវិជ្ជាជីវៈ នៃគណៈកម្មាធិការជាតិរៀបចំការបោះឆ្នោត ការចុះបញ្ជីឈ្មោះអ្នកបោះឆ្នោត បរិស្ថានប្រព័ន្ធផ្សព្វផ្សាយ រូបមន្តបែងចែកអាសនៈ និងយន្តការដោះស្រាយជម្លោះ។