គិតត្រឹមម៉ោង ៧ ព្រឹកថ្ងៃទី ២៥ ខែមេសា ឆ្នាំ ២០២១ មានករណីវិជ្ជមានថ្មីចំនួន ៦១៦ ករណី មានករណីជាសះស្បើយនៃកូវីដ-១៩ ចំនួន ១៩០ នៅកម្ពុជា។ ក្នុងចំណោមអ្នកដែលត្រូវបានរកឃើញវិជ្ជមានកូវីដ-១៩ មាន ៥៤៦ករណីនៅរាជធានីភ្នំពេញ ២៤ករណីនៅព្រះសីហនុ ២៤ករណីនៅកណ្ដាល ៨ករណីនៅព្រៃវែង ពីរករណីនៅកោះកុង មួយករណីនៅកំពង់ស្ពឺ ពីរករណីនៅកំពង់ធំ ពីរករណីនៅស្វាយរៀង ពីរករណីនៅកំពង់ឆ្នាំង ៧ករណីនៅតាកែវ និងពីរករណីនៅមណ្ឌលគីរី។ ចំណែកឯអ្នកដែលបានជាសះស្បើយពីកូវី-១៩ គឺជាករណីដែលពាក់ព័ន្ធនឹងព្រឹត្តិការណថ្ងៃទី ២០ ខែកុម្ភៈ ហើយអ្នកទាំងនេះត្រូវបានព្យាបាលអោយជាសះស្បើយ ១៣៤ករណីនៅភ្នំពេញ ១៨ករណីនៅព្រះសីហនុ ពីរករណីនៅព្រៃវែង មួយករណីនៅកោះកុង មួយករណីនៅកំពង់ធំ ៣៣ករណីនៅស្វាយរៀង និងមួយករណីនៅកំពង់ឆ្នាំង។ មានករណីស្លាប់ចំនួនបីករណី ដែលមួយករណីនៅភ្នំពេញ មួយករណីនៅកំពង់ស្ពឺ និងមួយករណីនៅកំពង់ឆ្នាំង។

• ភាសាខ្មែរ