គិតត្រឹមម៉ោង ៧ ព្រឹកថ្ងៃទី ១៥ ខែមេសា ឆ្នាំ ២០២១ មានករណីវិជ្ជមានថ្មីចំនួន ៣៤៤ ករណី មានករណីជាសះស្បើយនៃកូវីដ-១៩ ចំនួន ២៩ នៅកម្ពុជា។ ក្នុងចំណោមអ្នកដែលត្រូវបានរកឃើញវិជ្ជមានកូវីដ-១៩ មាន ២៤៧ករណីនៅរាជធានីភ្នំពេញ ៦ករណីនៅព្រះសីហនុ ៨ករណីនៅកណ្ដាល ៦ករណីនៅកោះកុង មួយករណីនៅសៀមរាប ៧១ករណីនៅស្វាយរៀង បីករណីនៅតាកែវ និងពីរករណីនៅក្រចេះ។ ចំណែកឯអ្នកដែលបានជាសះស្បើយពីកូវី-១៩ គឺជាករណីដែលពាក់ព័ន្ធនឹងព្រឹត្តិការណថ្ងៃទី ២០ ខែកុម្ភៈ ហើយអ្នកទាំងនេះត្រូវបានព្យាបាលអោយជាសះស្បើយ ២២ករណីនៅភ្នំពេញ បួនករណីនៅត្បូងឃ្មុំ និងបីករណីនៅស្វាយរៀង។ លើសពីនេះទៀត មានករណីស្លាប់ថ្មីមួយករណីនៅភ្នំពេញ។

• ភាសាខ្មែរ