គិតត្រឹមម៉ោង០៧ៈ ០០នាទីព្រឹក ថ្ងៃទី១៥ ខែធ្នូ ឆ្នាំ២០២០ មានករណីវិជ្ជមានចំនួន ០៣នាក់និង ករណីជាសះស្បើយឡើងវិញចំនួន ០៣នាក់ នៃជំងឺកូវីដ-១៩ នៅកម្ពុជា។ ករណីវិជ្ជមានគឺស្ត្រីខ្មែរអាមេរិកាំងអាយុ ៦៦ ឆ្នាំដែលបានធ្វើដំណើរពីសហរដ្ឋអាមេរិក ស្ត្រីជនជាតិជប៉ុនអាយុ ៣៤ ឆ្នាំដែលបានធ្វើដំណើរពីប្រទេសជប៉ុននិងករណីពាក់ព័ន្ធនឹងព្រឹត្តិការណ៍សហគមន៍ថ្ងៃទី ២៨ ខែវិច្ឆិកាគឺកុមារាអាយុ ០១ ឆ្នាំដែលជាកូនប្រុសរបស់ស្ត្រីកម្ពុជាអាយុ ៣០ ឆ្នាំដែលត្រូវបានគេធ្វើតេស្តិ៍វិជ្ជមាននៃកូវីដ-១៩ នៅថ្ងៃទី ២៩ ខែវិច្ឆិកាឆ្នាំ ២០២០ ។ ករណីជាសះស្បើយគឺបុរសជនជាតិខ្មែរអាយុ ៥៧ ឆ្នាំដែលជាអគ្គនាយកពន្ធនាគារនៃក្រសួងមហាផ្ទៃ ស្ត្រីខ្មែរអាយុ ៣០ ឆ្នាំជាសមាជិកគ្រួសារអ្នកបើកឡានឲ្យអគ្គនាយកពន្ធនាគារនៃក្រសួងមហាផ្ទៃ និងបុរសជនជាតិខ្មែរអាយុ ៣៤ ឆ្នាំដែលធ្វើការនៅក្រសួងមហាផ្ទៃជាអ្នកដែលបានប៉ះពាល់ជាមួយអគ្គនាយកពន្ធនាគារនៃក្រសួងមហាផ្ទៃ។

• ភាសាខ្មែរ