គិតត្រឹមម៉ោង ៧ ព្រឹកថ្ងៃទី ២៧ ខែមេសា ឆ្នាំ ២០២១ មានករណីវិជ្ជមានថ្មីចំនួន ៦៩៨ ករណី មានករណីជាសះស្បើយនៃកូវីដ-១៩ ចំនួន ៩៩៤ នៅកម្ពុជា។ ក្នុងចំណោមអ្នកដែលត្រូវបានរកឃើញវិជ្ជមានកូវីដ-១៩ មាន ៥៥៨ ករណីនៅរាជធានីភ្នំពេញ ១៦ ករណីនៅព្រះសីហនុ ៧២ករណីនៅកណ្ដាល ៤៣ករណីនៅបន្ទាយមានជ័យ ពីរករណីនៅពោធិ៍សាត់ បីករណីនៅកំពង់ស្ពឺ បីករណីនៅតាកែវ និងមួយករណីជាពលករមកពីប្រទេសថៃ។ ចំណែកឯអ្នកដែលបានជាសះស្បើយពីកូវី-១៩ គឺជាករណីដែលពាក់ព័ន្ធនឹងព្រឹត្តិការណថ្ងៃទី ២០ ខែកុម្ភៈ ហើយអ្នកទាំងនេះត្រូវបានព្យាបាលអោយជាសះស្បើយ ៨៩៣ករណីនៅភ្នំពេញ ៣២ករណីនៅកណ្ដាល ៦៥ករណីនៅព្រះសីហនុ ពីរករណីខេត្តព្រៃវែង មួយករណីខេត្តសៀមរាប និងមួយករណីខេត្តកោះកុង។ មានករណីស្លាប់ចំនួនប្រាំមួយករណី ដែលប្រាំករណីនៅភ្នំពេញ និងមួយករណីសីហនុ។

• ភាសាខ្មែរ