គិតត្រឹមម៉ោង ៧ ព្រឹកថ្ងៃទី ១៤ ខែមេសា ឆ្នាំ ២០២១ មានករណីវិជ្ជមានថ្មីចំនួន ១៧៨ ករណី មានករណីជាសះស្បើយនៃកូវីដ-១៩ ចំនួន ៣៨ នៅកម្ពុជា។ ក្នុងចំណោមអ្នកដែលត្រូវបានរកឃើញវិជ្ជមានកូវីដ-១៩ មាន ១៤៩ករណីនៅរាជធានីភ្នំពេញ ៦ករណីនៅព្រះសីហនុ ១៦ករណីនៅកណ្ដាល មួយនៅបាត់ដំបង មួយនៅសៀមរាប ពីរករណីនៅកំពង់ស្ពឺ មួយនៅត្បូងឃ្មុំ បីនៅស្វាយរៀង និងមួយនៅតាកែវ។ ចំណែកឯអ្នកដែលបានជាសះស្បើយពីកូវី-១៩ គឺជាករណីដែលពាក់ព័ន្ធនឹងព្រឹត្តិការណថ្ងៃទី ២០ ខែកុម្ភៈ ហើយអ្នកទាំងនេះត្រូវបានព្យាបាលអោយជាសះស្បើយ ១២ករណីនៅភ្នំពេញ ១០ករណីនៅព្រះសីហនុ បីនៅព្រៃវែង ៧នៅកោះកុង មួយនៅកំពង់ចាម បីនៅត្បូងឃ្មុំ មួយនៅស្វាយរៀង និងមួយនៅកំពត។ លើសពីនេះទៀត មានករណីស្លាប់ពីរករណី ដែលមួយនៅភ្នំពេញ និងមួយករណីទៀតនៅកំពង់ស្ពឺ។

• ភាសាខ្មែរ