ការរួមចំណែកនៃទិន្នន័យទូលាយក្នុងការគាំពារជីវភាពរស់នៅរបស់ជនជាតិដើមភាគតិច សុវត្ថិភាពដីធ្លី និងនិរន្តរភាពនៃធនធានធម្មជាតិ

គោលបំណងរួមនៃរបាយការណ៍នេះគឺដើម្បីតាមដានលើការស្រាវជ្រាវដែលចង់ស្វែងយល់ពីទំហំនៃការប្រើប្រាស់ទិន្នន័យស្ថិតិទាក់ទងទៅនឹងជនជាតិដើមភាគតិចនៅក្នុងគម្រោងអភិវឌ្ឍន៍នានានៃប្រទេសកម្ពុជា។ គោលបំណងជាក់លាក់វិញគឺ ដើម្បីធ្វើបច្ចុប្បន្នភាពលើទិន្នន័យជនជាតិដើមភាគតិចនៅកម្ពុជាអោយកាន់តែច្បាស់លាស់ និងសុក្រិត្យ។ ទិន្នន័យទាំងនេះនឹងផ្តល់ជាមូលដ្ឋានគ្រឹះយ៉ាងរឹងមាំក្នុងការធ្វើផែនការអភិវឌ្ឍ និងអាចញ៊ំាងអោយការវិភាគរាល់ស្ថានភាពនៃតម្រូវការរបស់ជនជាតិដើមភាគតិចនាពេលបច្ចុប្បន្ន និងអនាគតកាន់តែប្រសើរជាងនេះ។ លើសពីនេះទៀត ការសិក្សានេះនឹងកៀងគការសហការ និងការចូលរួមពីអង្គការជាតិ និងអន្តរជាតិ ទីភ្នាក់ងារផ្តល់ជំនួយដែលមានចំណាប់អារម្មណ៍លើការរួមចំណែកនៃទិន្នន័យ និងការគាំទ្រជំនួយ។