ការបោះឆ្នោតនៅកម្ពុជា៖ មេរៀនរៀនសូត្រ និងទិសដៅអនាគត

របាយការណ៍នេះ គឺជាលទ្ធផលនៃសិក្ខាសាលាប្រារព្ធធ្វើកាលពីខែកុម្ភៈ ឆ្នាំ២០០៤ សម្រាប់រយៈពេលពីរថ្ងៃ នៅក្រោយពីការបោះឆ្នោតជាតិ សំដៅប្រមូលគៀងគរភាគីពាក់ព័ន្ធនឹងកិច្ចការបោះឆ្នោត ដោយមិនគិតពីនិន្នាការនយោបាយ ដើម្បីពិនិត្យនិងវាយតម្លៃលើការបោះឆ្នោតកន្លងមក និង ឈានដល់ការផ្តល់ជាអនុសាសន៍ ចូលរួមកាត់បន្ថយបញ្ហារដែលតែងតែមានចោទឡើង។ អនុសាសន៍ទាំងនេះ នឹងក្លាយជាចំណុចចាប់ផ្តើមសម្រាប់អ្នកសិក្សាស្រាវជ្រាវ និងអ្នកមានចំណាប់អារម្មណ៍ផ្សេងទៀត យកមកសិក្សាលើកម្មវិធីកំណែរទម្រង់ការបោះឆ្នោតនៅប្រទេសកម្ពុជា។