ផែនទីបង្ហាញផ្លូវ វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា ឆ្នាំ ២០៣០

របាយការណ៍ស្តីពីផែនទីបង្ហាញផ្លូវ វិទ្យាសាស្ត្រ បច្ចេកវិទ្យានិង នវានុវត្តន៍កម្ពុជាឆ្នាំ ២០៣០ បានកំណត់យ៉ាងច្បាស់លើសសរស្តម្ភសំខាន់ៗចំនួន ៥ រួមមាន៖ អភិបាលកិច្ច ការអប់រំ ការស្រាវជ្រាវនិង ការអភិវឌ្ឍន៍ កិច្ចសហការនិងបណ្តាញ និង ប្រព័ន្ធអេកូឡូស៊ី។ សសរស្តម្ភសំខាន់ៗ ត្រូវបានអនុលោមទៅតាមយុទ្ធសាស្ត្រចតុកោណថ្នាក់ជាតិដំណាក់កាលទី ៤ ផែនការយុទ្ធសាស្ត្រអភិវឌ្ឍន៍ជាតិឆ្នាំ ២០១៩-២០២៣ គោលនយោបាយជាតិនៃ អេសធីអាយ ២០២០-២០៣០ ផែនការអភិវឌ្ឍន៍ ឧស្សាហកម្ម ២០១៥-២០២៥ និងចំណុចផ្សេងទៀត។ ចំពោះគោលបំណងនៃគោលនយោបាយជាតិ អេស ធី អាយ ប្រភពរបាយការណ៍ បង្ហាញឲ្យដឹងថា គោលបំណងច្បាស់លាស់ដោយកំណត់នូវសំណុំសកម្មភាពសំខាន់ៗក្នុងរយៈពេលមួយ និងទិសដៅជាក់លាក់ដើម្បីសម្រេចបាននៅឆ្នាំ ២០៣០ ផ្តល់តួនាទីយ៉ាងច្បាស់លាស់ដល់ក្រសួងឧស្សាហកម្មវិទ្យាសាស្ត្របច្ចេកវិទ្យានិងនវានុវត្តន៍ (MISTI) ត្រួតពិនិត្យនិងសម្របសម្រួលការអនុវត្តគោលនយោបាយជាតិអេស ធី អាយ ទូទាំងក្រសួង។ ចំពោះការយល់ដឹងបន្ថែមពាក់ព័ន្ធរបាយការណ៍ អាចមើលទៅបានក្នុងឯកសារនេះ។