សេចក្តីព្រាងផ្លូវការអំពីផែនការមេអភិវឌ្ឍន៍វិស័យទេសចរណ៍ខេត្តមណ្ឌលគិរី ឆ្នាំ ២០២១-២០៣៥

សេចក្តីព្រាងផ្លូវការស្តីអំពីផែនការមេអភិវឌ្ឍន៍វិស័យទេសចរណ៍ ខេត្តមណ្ឌលគិរី បង្ហាញឱ្យដឹងថា រាជរដ្ឋាភិបាលឯកភាពក្នុងការកំណត់អាទិភាពសំខាន់ៗចំនួន០៦ ដែលត្រូវរក្សាទុកសម្រាប់ការអភិវឌ្ឍ និងត្រូវកំណត់អំពីវិសាលភាពនៃសកម្មភាពវិនិយោគ និងអភិវឌ្ឍតំបន់ទាំងនេះឱ្យបានច្បាស់លាស់ ដែលរួមមាន៖ ១). តំបន់របៀងអេកូទេសចរណ៍ និងទេសចរណ៍ធម្មជាតិនៃដែនជម្រកសត្វព្រៃទាំង៥ ២). តំបន់របៀងទេសចរណ៍វប្បធម៌ និងអេកូទេសចរណ៍ ប៊ូស្រា-ដាក់ដាំ ៣). ក្រុងសែនមនោរម្យ ៤). តំបន់ ស្រុកអូររាំងភ្ជាប់ជាមួយការអភិវឌ្ឍព្រលានយន្តហោះមណ្ឌលគីរី ៥). តំបន់ប្រជុំជននៃស្រុកកោះញែក និង ៦). តំបន់ទេសចរណ៍សមាហរណតាមច្រកព្រំដែន។