អនុក្រឹត្យនេះបង្ហាញពីដីតំបន់ទ្រនាប់នៃដែនព្រៃលិចទឹក​(តំបន់២) ជុំវិញបឹងទន្លេសាប ស្ថិតក្នុងភូមិសាស្រ្តខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប និងខេត្តកំពង់ធំ​ ស្ថិតក្រោមការគ្រប់គ្រងរបស់រដ្ឋបាលខេត្ត និងគណៈកម្មាធិការគ្រប់គ្រងដីរដ្ឋថ្នាក់ខេត្ត។ រដ្ឋបាលខេត្ត និងគណៈកម្មាធិការគ្រប់គ្រងដីរដ្ឋ​ថ្នាក់ខេត្ត​មានភារកិច្ច កាតព្វកិច្ច និងការទទួលខុសត្រូវលើការគ្រប់គ្រង ថែរក្សា​ និងត្រូវចាត់វិធានការតាមច្បាប់ជាបន្ទាន់ ក្នុងករណីពិនិត្យឃើញថា​ មានសកម្មភាពដែលនាំឱ្យប៉ះពាល់ដល់ដែនតំបន់២ក្នុងភូមិសាស្រ្តខេត្តនីមួយៗរៀងៗខ្លួន។ ការចូលទន្រ្ទានកាន់កាប់ដី និងការបំផ្លាញព្រៃលិចទឹកនៅក្នុងតំបន់២ ត្រូវបានហាមឃាត់។ រាល់ការសាងសង់ថ្មីនូវទំនប់ប្រឡាយដោយសហគមន៍ឬដោយអាជ្ញាធរមូលដ្ឋាន ត្រូវមានការអនុញ្ញាតជាមុនពីក្រសួងធនធានទឹក និងឧតុនិយម។

• ភាសាខ្មែរ