គោលនយោបាយ​ជាតិ​ស្តី​ពី​ស្វាយចន្ទី​ឆ្នាំ​២០២២​ -​ ២០២៧

បច្ចុប្បន្ន​នេះ​ ផលិតផល​កសិកម្ម​របស់​កម្ពុជា​ភាគច្រើន​ដែល​មិន​ទាន់​បាន​កែ​ច្នៃ​ ត្រូវ​បាន​នាំ​ចេញ​ទៅ​កាន់​ប្រទេស​ជិតខាង​ ដែល​ធ្វើ​ឪ្យ​កម្ពុជា​ទទួល​បាន​តម្លៃបន្ថែម​ទាប​ ក្នុង​នោះ​ផលិតផល​ស្វាយចន្ទី​កម្ពុជា​ត្រូវ​បាន​ប្រទេស​ជិតខាង​ធ្វើការ​កែ​ច្នៃ​ និង​នាំ​ចេញ​បន្ត​ទៅ​ប្រទេស​ដទៃ​ទៀត​។​ ក្នុង​ន័យ​នេះ​ ដើម្បី​បន្ត​ជំរុញ​ដល់​កំណើន​កសិពាណិជ្ជកម្ម​ ប្រកបដោយ​ការ​ប្រកួតប្រជែង​ ផលិតផល​គុណភាព​ និង​សុវត្ថិភាព​ ជា​ពិសេស​ដើម្បី​លើកកម្ពស់​ផលិតភាព​ ពិពិធ​កម្ម​ដំណាំ​ដែល​មាន​សក្តានុពល​ និង​ទីផ្សារ​ឪ្យ​មាន​លក្ខណៈ​ពាណិជ្ជកម្ម​ ការ​រៀបចំ​និង​ការ​ដាក់​ចេញ​នូវ​គោលនយោបាយ​ជាតិ​ស្តី​ពី​ស្វាយចន្ទី​ឆ្នាំ​២០២២-២០២៧​ ពិតជា​មាន​សារៈសំខាន់​ដែល​ស្រប​ជាមួយនឹង​ការ​ដាក់​ចេញ​នូវ​គោលនយោបាយ​និង​ក្រប​ខណ្ឌ​យុទ្ធសាស្ត្រ​ផ្សេង​ទៀត​ សំដៅ​ធានា​បាន​នូវ​ឧត្តមភាព​នៅ​លើ​ទីផ្សារ​ក្នុងស្រុក​ ក្នុង​តំបន់​ និង​ពិភពលោក​។​