សេចក្ដីបង្គាប់អាជ្ញាកណ្ដាលនៃឧប្បត្តិហេតុការងារដែលពាក់ព័ន្ធនឹងក្រុមហ៊ុន អាកាសយានដ្ឋានអន្តរជាតិសៀមរាប

សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន អាកាសយានដ្ឋានអន្តរជាតិសៀមរាប (និយោជក) និងភាគីសហជីពកម្មករឧស្សាហកម្មទេសចរណ៍កម្ពុជានៃព្រលានយន្តហោះសៀមរាប (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន១ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ សហជីព​ទាមទារ​ឲ្យ​ក្រុមហ៊ុន​ទម្លាក់​ចោល​សំណុំ​រឿង​ដាក់​វិន័យ​លើ​ប្រធាន​សហជីព​កម្មករ​ឧស្សាហកម្ម​ទេសចរណ៍​កម្ពុជា អាកាសយានដ្ឋាន​សៀមរាប ជុំវិញ​ការ​ភ្លេច​អីវ៉ាន់​របស់​អតិថិជន។ សេចក្តីសម្រេច និងបង្គាប់នៃសេចក្តីបង្គាប់នេះ អាជ្ញាកណ្តាលបានបញ្ជាឱ្យនិយោជកដកលិខិតរំលឹកទាំងអស់ ប៉ុន្តែត្រូវចេញលិខិតព្រមានជាលាយលក្ខណ៍អក្សរ ដែលនឹងមានសុពលភាពរយៈពេល ១ ឆ្នាំ។ នេះគឺជាសេចក្តីបង្គាប់មិនជាប់កាតព្វកិច្ច។