សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន ខ្វលីធី​​ តេក្សស្ទីល​ ខូអែលធីឌី (និយោជក) និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុន ខ្វលីធី​​ តេក្សស្ទីល​ ខូអែលធីឌី (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន៣ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) យោជកបើកប្រាក់ឈ្នួលពីរដងក្នុងមួយខែ គឺនៅម៉ោង ៣:៣០ រសៀលរៀងរាល់លើក។ ២) និយោជកចំណាយសម្រាប់ទឹកដោះគោទារកជាទៀងទាត់; ៣) ​និយោជក​បង់​ថ្លៃ​អាហារ​រៀងរាល់ ១០ ថ្ងៃ​ម្តង តាម​ការ​អនុវត្ត​កន្លង​មក​របស់​រោងចក្រ។ សេចក្តីសម្រេច និងបង្គាប់នៃសេចក្តីបង្គាប់នេះ និយោជក​ត្រូវ​បាន​បញ្ជា​ឱ្យ​អនុវត្ត​តាម​បញ្ហា​ទាំង​បី។ នេះគឺជាសេចក្តីបង្គាប់មិនជាប់កាតព្វកិច្ច។

• ភាសាខ្មែរ