សេចក្ដីបង្គាប់អាជ្ញាកណ្ដាលនៃឧប្បត្តិហេតុការងារដែលពាក់ព័ន្ធនឹងក្រុមហ៊ុន ស៊ីម៉ង់ត៍ កម្ពុជា ចក្រីទីង

សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន ស៊ីម៉ង់ត៍ កម្ពុជា ចក្រីទីង និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុន ស៊ីម៉ង់ត៍ កម្ពុជា ចក្រីទីង (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន២ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) និយោជក​ឱ្យអនុ​ប្រធាន​សហជីព​ចូលធ្វើការវិញ និងបង់ប្រាក់រំលឹកចាប់ពីថ្ងៃបញ្ឍប់ ដល់ថ្ងៃចូលធ្វើការ។ ២) និយោជក​ត្រូវឈប់​បង្ខំឱ្យ​កម្មករ​និយោជិតចូលធ្វើការមុនម៉ោងការងារ។ សេចក្តីសម្រេច និងបង្គាប់នៃសេចក្តីបង្គាប់នេះ ក្រុមប្រឹក្សាអាជ្ញាកណ្តាលបង្គាប់​ឱ្យ​និយោជក​ទទួលយកអនុប្រធានសហជីពចូលធ្វើការវិញ និងសងប្រាក់រំលឺកចាប់ពីថ្ងៃបញ្ឍប់ ដល់ថ្ងៃចូលធ្វើការវិញ។ បញ្ឈប់​ការអនុវត្តគោលការណ៍ដែល​តម្រូវ​ឱ្យ​កម្មករ​ចូល​ធ្វើ​ការ​មុន ១៥ នាទី ដោយ​មិន​ផ្តល់​ប្រាក់​បន្ថែម​ម៉ោង និង​បញ្ឈប់​ការ​ផាក​ពិន័យ​កម្មករ​ដែល​មក​មិនទាន់ការ​ប្រជុំ​មុន​ម៉ោង​ការងារ។ សេចក្តីបង្គាប់មិនជាប់កាតព្វកិច្ច។