ផែនការសកម្មភាពសម្រាប់ការ ការពារអណ្តើកសមុទ្រនៅកម្ពុជា ២០១៦-២០២៦

អណ្តើកសមុទ្រ គឺជាប្រភេទធនធានជលផលដ៏មានសារៈសំខាន់បំផុត ហើយក៏ត្រូវបានចាត់ថ្នាក់ថាកំពុងរងគ្រោះថ្នាក់ក្នុងប្រទេសកម្ពុជា តាមរយៈអនុក្រឹត្យលេខ ១២៣ អនក្រ.បក ចុះថ្ងៃទី២៣ ខែសីហា ឆ្នាំ២០០៩។ បញ្ជីក្រហមនៃអង្គការ IUCN ស្តីពីប្រភេទរងគ្រោះថ្នាក់ក៏បានចាត់ទុកអណ្ដើកសមុទ្រថាជាប្រភេទរងការគំរាមកំហែងដែលឈានទៅផុតពូជ ហើយប្រភេទទាំងអស់នេះសុទ្ធតែត្រូវបានចុះឧបសម្ព័ន្ធ I នៃអនុសញ្ញាសាយតេស ដែលហាមឃាត់ការធ្វើពាណិជ្ជកម្មជាអន្តរជាតិ។ ដោយសារតែប្រភេទអណ្តើកសមុទ្រកំពុងតែទទួលរងគ្រោះថ្នាក់យ៉ាងនេះ ទើបការគ្រប់គ្រង និងអភិរក្សប្រភេទទាំងនេះត្រូវបានយកចិត្តទុកដាក់បំផុត ទាំងក្នុងក្របខណ្ឌជាតិ និងអន្តរជាតិ ហើយការរៀបចំផែនការសកម្មភាពសម្រាប់ការគ្រប់គ្រងអណ្ដើកសមុទ្រនេះ គឺជាតម្រូវការចាំបាច់បំផុតនាពេលបច្ចុប្បន្ន។

ផែនការសកម្មភាពសម្រាប់ការការពារអណ្តើកសមុទ្រ គឺធានាបានសត្វអណ្តើកសមុទ្រនិងទីជម្រករបស់វាត្រូវបាន ការពារនិងអភិរក្ស ដើម្បីផ្តល់នៅប្រព័ន្ធអេកូឡូស៊ីដែលមានសុខភាពល្អ និងវិបុលភាពសេដ្ឋកិច្ច សម្រាប់មនុស្សជំនាន់ក្រោយៗនៅកម្ពុជាឱ្យបាននៅក្នុងឆ្នាំ២០២៦។