កង្វះខាតទូទៅនៃការរៀបចំផែនការគ្រប់គ្រងទឹកកខ្វក់ និងសម្ភារៈផ្សេងៗបានបណ្តោយឱ្យមានការបង្ហូរទឹកកខ្វក់ដោយផ្ទាល់ទៅក្នុងបរិស្ថានដែលមិនត្រូវបានធ្វើប្រព្រឹត្តកម្ម បង្កឱ្យមានការបំពុលបរិស្ថាន និងគ្រោះថ្នាក់ធ្ងន់ធ្ងរដល់សុខភាព។ ដូច្នេះ វិស័យទឹកកខ្វក់ ត្រូវបានរាជរដ្ឋាភិបាលនៃព្រះរាជាណាចក្រកម្ពុជាចាត់ទុកថាជាវិស័យអាទិភាពខ្ពស់មួយដូចបានចែងក្នុងយុទ្ធសាស្ត្រចតុកោណ ដំណាក់កាលទី ៤ របស់រាជរដ្ឋាភិបាលនីតិកាលទី ៦ នៃរដ្ឋសភា។ វាជាការចាំបាច់តម្រូវឱ្យមានប្រតិបត្តិករដែលមានជំនាញបច្ចេកទេសច្បាស់លាស់ និងការបណ្តុះបណ្តាល ហើយមន្ត្រីរាជរដ្ឋាភិបាលចាំបាច់ត្រូវគ្រប់គ្រងដំណើរការ ថែទាំ ជួសជុល ត្រួតពិនិត្យ និងអង្កេតតាមដានលើ ប្រតិបត្តិការ និងហេដ្ឋារចនាសម្ព័ន្ធរបស់ប្រព័ន្ធប្រព្រឹត្តកម្មទឹកកខ្វក់នេះ។

• ភាសាអង់គ្លេស