របាយការណ៍ស្ទង់មតិនេះ មានគោលបំណងសិក្សាស្វែងយល់អំពីការចូលរួមរបស់ប្រជាពលរដ្ឋខ្មែរ ក្នុងអភិបាលកិច្ចតាមបែបប្រជាធិបតេយ្យ នៅកម្រិតថ្នាក់ជាតិ (រដ្ឋសភា) និងថ្នាក់ក្រោមជាតិ (ក្រុមប្រឹក្សាឃំុ-សង្កាត់) ហើយនិងសំដៅចូលរួមចំណែកបង្កើតគណនេយ្យភាពរបស់តំណាងតាមមណ្ឌលបោះឆ្នោតដែលទទួលបានការបោះឆ្នោតជ្រើសតាំង និងជ្រើសរើសពីប្រជាពលរដ្ឋ រួមមានតំណាងរាស្រ្តនៅរដ្ឋសភា និងសមាជិកក្រុមប្រឹក្សាឃំុ សង្កាត់ នៅតាមក្រុមប្រឹក្សាឃំុ សង្កាត់នីមួយៗ។ សំនួរសំខាន់ៗមួយចំនួន សម្រាប់ការស្ទង់មតិនេះ រួមមាន តើអ្នកមានសិទ្ធិបោះឆ្នោតប៉ុន្មានស្គាល់ ឬធ្លាប់បានទំនាក់ទំនងសមាជិកសភា? តើអ្នកពេញចិត្តនឹងការបំពេញការសន្យារបស់ក្រុមប្រឹក្សាឃំុ សង្កាត់ ឬរាជរដ្ឋាភិបាល ដែរឬទេ? តើអ្នកយល់ពីការចូលរួមរបស់ប្រជាពលរដ្ឋនៅក្នុងកិច្ចការរបស់ក្រុមប្រឹក្សាឃំុ សង្កាត់ប៉ុណ្ណា?

• ភាសាអង់គ្លេស