ការស្ទង់មតិនេះ ត្រូវបានធ្វើឡើងជាមួយនឹងប្រជាជនកម្ពុជា ២,០០០នាក់ ជាគំរូ ចាប់ពីថ្ងៃទី ១២ ខែមករា ដល់ថ្ងៃទី ២ ខែកុម្ភៈ ឆ្នាំ២០១៣ ដោយមជ្ឈមណ្ឌលសម្រាប់ការសិក្សាកម្រិតខ្ពស់។ ប្រមាណជា ៧៥.៦០% នៃប្រជាជនដែលត្រូវបានសម្ភាសន៍ មានអារម្មណ៍ថា ប្រទេសជាតិកំពុងឈ្ពោះទៅមុខក្នុងទិសដៅត្រូវ ដោយសារការសាងសង់ផ្លូវ និងសាលារៀនច្រើន ខណៈដែលប្រមាណជា២៤% និយាយថាប្រទេស ដើរផ្លូវខុស ដោយចង្អុលទៅអំពើពុករលួយ តាមពីក្រោយដោយ អន្តោប្រវេសន៍ខុសច្បាប់និងបក្ខពួកនិយម។ បើធៀបនឹងការសិក្សាដដែលនៅឆ្នាំ២០០៨ និងឆ្នាំ២០១១ ប្រជាជនមានទស្សនៈវិជ្ជមានតិចជាងមុន។ ការប្រើប្រាស់គ្រឿងញៀន បានក្លាយជាបញ្ហារគួរឲ្យព្រួយបារម្ភ ដែលត្រូវបានជឿថា កំពុងតែមានផលប៉ះពាល់លើប្រទេសកម្ពុជាខ្លាំងបំផុត។

• ភាសាអង់គ្លេស