អនុក្រឹត្យនេះត្រូវបានចេញដោយរាជរដ្ឋាភិបាលកម្ពុជា ដោយបានសម្រេចកាត់ដីទំហំសរុប ២៨១,៥៨៨២ (ពីររយប៉ែតសិបមួយហិកតាប្រាំពាន់ ប្រាំបីរយប៉ែតសិបពីរសង់ទីអា)​ ដោយ ១៨០,៥៨៨២ ហិកតា ត្រូវបានកាត់ចេញពីគម្របព្រៃឈើឆ្នាំ ២០០២ និង កាត់ចេញពីរបៀងអភិរក្សជីវ:ចម្រុះប្រព័ន្ធតំបន់ការពារធម្មជាតិ ១០១ ហិកតានិង​ធ្វើអនុបយោគជាដីឯកជនរបស់រដ្ឋសម្រាប់ប្រទានកម្មជាកម្មសិទ្ធិសមូហភាព ជូនសហគមន៍ជនជាតិដើមភាគតិចព្រៅភូមិសៀងសាយ ១សហគមន៍ ស្ថិតក្នុងឃុំតាវែងក្រោម ស្រុកតាវែង និងឃុំកោះប៉ង់ ស្រុកវើនសៃ ខេត្តរតនគិរី។ សហគមន៍ជនជាតិដើមភាគតិចដែលត្រូវបានទទួលប្រទានកម្មសមូហភាពនេះ មាន ៥៧គ្រួសារ លើក្បាលដីសរុប ១៤ក្បាលដី ដែលរួមមាន ដីលំនៅដ្ឋាន ១ក្បាលដី និងដីកសិកម្ម ១៣ក្បាលដី។

• ភាសាខ្មែរ