អនុក្រឹត្យនេះស្តីពីការកែសម្រួលផ្ទៃបឹងជើងឯក និងប្រឡាយ ស្ថិតក្នុងខណ្ឌមានជ័យ និងខណ្ឌដង្កោ រាជធានីភ្នំពេញ និងក្រុងតាខ្មៅ ខេត្តកណ្តាល ត្រូវបានកាត់ផ្ទៃដីទំហំ​ ១ ៩០៤ ២១១ (មួយលានប្រាំបួនរយបួនពាន់ពីររយដប់មួយ) ម៉ែត្រក្រឡា​ ស្ថិតនៅសង្កាត់ជើងឯក និងសង្កាត់ដង្កោ ខណ្ឌដង្កោ និងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដែលបានកំណត់ក្នុងអនុក្រឹត្យលេខ ១២៤​ អនក្រ.បក ចុះថ្ងៃទី​០៣ ខែកញ្ញា ឆ្នាំ២០០៨ ស្តីពីការកំណត់ផ្ទៃបឹងជើងឯក និងប្រឡាយស្ថិតនៅខណ្ឌមានជ័យ និងខណ្ឌដង្កោ រាជធានីភ្នំពេញ និងស្រុកតាខ្មៅ (បច្ចុប្បន្នក្រុងតាខ្មៅ) ខេត្តកណ្តាលជាព្រទ្យសម្បត្តិសាធារណៈរបស់រដ្ឋ តាមប្រព័ន្ធកូអរដោណេ Project UTM Zone 48N Datum WGS 1984 ដូចមានផែនទី និងតារាងនិយាមកាភ្ជាប់ជាឧបសម្ព័ន្ធនៃអនុក្រឹត្យនេះ ធ្វើអនុបយោគដីឯកជនរបស់រដ្ឋ និងផ្តល់ជាកម្មសិទ្ធិឯកជនជូនលោកឧកញ៉ា លាង ឃុន និងលោកឧកញ៉ា ថៃ ជាហួត។

• ភាសាខ្មែរ