រាជរដ្ឋាភិបាលនៃព្រះរាជាណាចក្រកម្ពុជា សម្រាប់អាណត្តិទី៣ ត្រូវបានបង្កើតឡើងកាលពីថ្ងៃទី ១៥ ខែកក្កដា ឆ្នាំ២០០៤ ដោយការបោះឆ្នោតទុកចិត្តពីរដ្ឋសភា ហើយគ្រោងនឹងអនុវត្តយុទ្ធសាស្រ្តចតុកោណដែលមានអភិបាលកិច្ចល្អជាស្នូល។ កម្មវិធីនយោបាយ របស់រាជរដ្ឋាភិបាល ដាក់ចុះ ៧៣ចំណុចអាទិភាព ប៉ុន្តែភាគច្រើនមិនទាន់ត្រូវបានយកមកអនុវត្តនៅឡើយទេ នៅក្នុងរយៈពេល ៦ខែដំបូងនៃអាណត្តិរបស់ខ្លួន ចាប់ពីខែកក្កដា ឆ្នាំ២០០៤ ដល់ ខែមករា ឆ្នាំ២០០៥នេះ។ បើទោះបីជារបាយការណ៍ទំនងជាបង្ហាញពីបញ្ហារចោទ ជៀសជាងលទ្ធផលសម្រេចបាន របាយការណ៍នេះ មិនមានគោលបំណងរិះគន់លើការអនុវត្តកម្មវិធីនយោបាយទាំងនោះទេ ប៉ុន្តែជាកញ្ចក់ឆ្លុះបញ្ចាំងសម្រាប់រាជរដ្ឋាភិបាល និងគណបក្សនយោបាយ និងជាព័ត៌មានចម្បងសម្រាប់ប្រជាពលរដ្ឋជាម្ចាស់ឆ្នោត។

• ភាសាអង់គ្លេស