ការសិក្សានេះមានគោលបំណង (១) វិភាគអំពីឥទ្ធិពលជាបឋមនៃសម្បទានដីសេដ្ឋកិច្ចនៅក្នុងតំបន់គោលដៅរបស់អង្គការ វេល ហាង់ហ្គឺ ហ៊ាល្វ (២) វិភាគអំពីស្ថានភាព និងការអនុវត្តលើនិតិវិធីផ្តល់សម្បទានដីសេដ្ឋកិច្ច (៣) វាយតម្លៃពីច្រកចូលដើម្បីកិច្ចអន្តរាគមន៍។ វិធីសាស្ត្រនៃការសិក្សានេះ គឺធ្វើឡើងតាមបែបគុណភាព ដោយមានការសំភាសន៍ពាក់កណ្តាលផ្លូវការ ជាមួយអ្នកជំនាញជាច្រើន និង ការពិភាក្សាជាក្រុមជាមួយប្រជាពលរដ្ឋនៅក្នុងភូមិចំនួន ៥ ដែលជាប្រភពទិន្នន័យសំខាន់។ លទ្ធផលនៃការសិក្សាបង្ហាញអោយឃើញថា ប្រសិនបើការវិនិយោគនៅតែបន្តដូចអ្វីដែលពួកគេបានចាប់ផ្តើមនោះ នឹងនាំអោយមានផលប៉ះពាល់ធ្ងន់ធ្ងរលើជីវភាពរបស់ជនជាតិដើមភាគតិច ព្រមទាំងបន្សល់ទុកនៅអសន្តិសុខស្បៀង និងការបាត់បង់ប្រពៃណីរបស់ជនជាតិដើមភាគតិច។

• ភាសាអង់គ្លេស