នៅរៀងរាល់ឆ្នាំ បញ្ជីបោះឆ្នោតត្រូវយកមកពិនិត្យឡើងវិញ និងធ្វើបច្ចុប្បន្នភាព។ កិច្ចការទាំងនេះ ត្រូវបានបំពេញដោយគណៈកម្មាធិការជាតិរៀបចំការបោះឆ្នោត សមាជិកក្រុមប្រឹក្សាឃំុសង្កាត់ និងស្មៀនរបស់ក្រុមប្រឹក្សាឃំុសង្កាត់។ នៅឆ្នាំ២០១២ ដែលជាឆ្នាំត្រៀមរៀបចំបញ្ជីឈ្មោះបោះឆ្នោតសម្រាប់ការបោះឆ្នោតជាតិឆ្នាំ២០១៣ នីតិកាលទី៤នៃរដ្ឋសភា ប្រជាពលរដ្ឋមានសិទ្ធិបោះឆ្នោតចំនួន ៩,៦៧៥,៤៥៣នាក់ រាយការណ៍ដោយ គ.ជ.ប. មានចំនួនច្រើនជាងចំនួនប្រជាពលរដ្ឋអាយុ១៨ឆ្នាំ និងច្រើនជាង ដែលនាំឲ្យមានការលុបឈ្មោះស្ទួនក្នុងបញ្ជី។ របាយការណ៍េនេះ បង្ហាញថា ភាពសុក្រឹត្យនៃបញ្ជីឈ្មោះ និងទម្រង់លុបឈ្មោះ ឆ្លុះបញ្ចាំងឲ្យឃើញពីការ​ភាន់​ច្រឡំនៅក្នុងដំណើរការផ្ទៀងផ្ទាត់បញ្ជីឈ្មោះ ហើយមានភាពល្អប្រសើរតិចតួចបើធៀបនឹងបញ្ជីឈ្មោះក្នុងការបោះឆ្នោតឃំុសង្កាត់ឆ្នាំ២០០៧ និងការបោះឆ្នោតជាតិឆ្នាំ២០០៨។

• ភាសាអង់គ្លេស