ឯកសារក្របខណ្ឌដំណើរការគ្រប់គ្រងសុវត្ថិភាពបរិស្ថាននិងសង្គមនេះ គឺសម្រាប់សំណើរគម្រោងនិរន្ត​ភាព​តំបន់​ទេសភាព​ និង​ទេសចរណ៍ធម្មជាតិ​កម្ពុជា​ (SLEPC) ដែលបានរៀបចំឡើងដោយក្រសួងបរិស្ថាន និងក្រសួងអភិវឌ្ឍន៍ជនបទ សម្រាប់លទ្ធភាពហិរញ្ញប្បទានដែលផ្តល់ដោយធនាគារពិភពលោក។ គោលបំណងនៃឯកសារក្របខណ្ឌ ESMF នេះ គឺដើម្បីធានាថា រាល់សកម្មភាពរបស់គម្រោងនិរន្ត​ភាព​តំបន់​ទេសភាព​ និង​ទេសចរណ៍ធម្មជាតិ​កម្ពុជា​ (SLEPC) ត្រូវបានត្រួតពិនិត្យមើលនូវរាល់ហេតុប៉ះពាល់អវិជ្ជមានទៅលើសង្គម និងបរិស្ថាន ហើយវិធានការកាត់បន្ថយនានាក៏ត្រូវបានដាក់បញ្ជូលទៅក្នុងការរៀបចំសកម្មភាព និងការអនុវត្ត។ វាក៏អាចពណ៌នាមួយបែបទៀតថា ឯកសារក្របខណ្ឌ ESMF នេះ គឺត្រូវបានរៀបចំឡើង ដើម្បីធានាថាការវិនិយោគរបស់គម្រោង SLEPC នឹងមិនផ្តល់ ឬបង្កឱ្យមានហេតុប៉ះពាល់មិនល្អគួរឱ្យកត់សម្គាល់ណាមួយដល់ជីវភាពរស់នៅរបស់សហគមន៍មូលដ្ឋាន និងបរិស្ថាន ហើយរាល់ហេតុប៉ះពាល់ដែលជាសក្តានុពលទាំងឡាយ ត្រូវតែធ្វើការកំណត់អត្តសញ្ញាណ ដើម្បីចៀសវាង ឬយ៉ាងហោចណាស់វាត្រូវបានកាត់បន្ថយ។

• ភាសាអង់គ្លេស