របាយការណ៍ ពិនិត្យនិងវាយតម្លៃលើស្ថានភាពប្រជាធិបតេយ្យនៅប្រទេសកម្ពុជា លើបីវិស័យ (អភិបាលប្រជាធិបតេយ្យ លំហរប្រជាធិបតេយ្យ និងការបោះឆ្នោតដោយប្រជាធិបតេយ្យ) ដោយជ្រើសយកវិធីសាស្រ្តស្រាវជ្រាវគុណភាព និងផ្អែកលើលទ្ធផលស្រាវជ្រាវរបស់កម្មវិធី (ឃ្លាំមើលរដ្ឋាភិបាល ឃ្លាំមើលសភា ឃ្លាំមើលប្រព័ន្ធផ្សព្វផ្សាយ និងឃ្លាំមើលការបោះឆ្នោត) នៃគណៈកម្មាធិការខុមហ្វ្រែល គ្រប់គ្រងដោយផ្នែកតស៊ូមតិ និងសង្កេតការណ៍ និងរបស់សម្ព័ន្ធកំណែទម្រង់ការបោះឆ្នោត។ របាយការណ៍បង្ហាញថា បរិយាកាសនយោបាយនៅតែតានតឹងខ្លាំងនៅឆ្នាំ២០១៦ ដោយសារការតាមប្រកិតរបស់គណបក្សសង្គ្រោះជាតិ នៅក្នុងលទ្ធផលនៃការបោះឆ្នោតឆ្នាំ២០១៣ និងបរាជ័យនៃការផ្សះផ្សារខាងនយោបាយរវាងរដ្ឋាភិបាលដឹកនាំដោយគណបក្សប្រជាជនកម្ពុជា និងគណបក្សប្រឆាំង។ គិតមកដល់បំណាច់ឆ្នាំ២០១៦ សមាជិកនិងអ្នកគាំទ្រគណបក្សប្រឆាំង ២៤នាក់ រួមទាំង តំណាងរាស្រ្ត ២រូបផង នៅជាប់ក្នុងពន្ធនាគារ។ ដំណើរការសភា ជាប់គាំងដោយសារភាពតានតឹងនយោបាយ និងការជំទាស់ពីគណបក្សប្រឆាំង។ លំហរប្រជាធិបតេយ្យ បន្តធ្លាក់ចុះជាពិសេសជាមួយសេរីភាពប្រមូលផ្តុំនិងការបង្កើតសមាគម និងសេរីភាពបញ្ចេញមតិ។

• ភាសាអង់គ្លេស
• ភាសាខ្មែរ