សង្ខេបគោលនយោបាយនេះបង្ហាញពីលទ្ធផលនៃការស្រាវជ្រាវមួយទាក់ទងនឹងការ "ការវាយតម្លៃតម្រូវការព័ត៌មានសម្រាប់ជនមានពិការភាពនៅកម្ពុជា" ដែលធ្វើឡើងដោយ វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) សហការជាមួយការិយាល័យយូណេស្កូភ្នំពេញ (UNESCO) ក្រោមការគាំទ្រផ្នែកហិរញ្ញវត្ថុពីដៃគូរបស់អង្គការសហប្រជាជាតិ ដើម្បីលើកកម្ពស់ សិទ្ធិជនមានពិការភាព និងមូលនិធិពហុដៃគូសម្រាប់ពិការភាព។ ការសិក្សានេះបានបង្ហាញពី គម្លាតក្នុងការទទួលបានព័ត៌មានរបស់ជនមានពិការភាពនៅប្រទេសកម្ពុជា និងផ្តល់នូវអនុសាសន៍ផ្អែកលើភស្តុតាងស្រាវជ្រាវ ដើម្បីបង្កើនលទ្ធភាពទទួលបានព័ត៌មានរបស់ពួកគេ។ ការស្រាវជ្រាវនេះបានប្រើប្រាស់វិធីសាស្ត្រស្រាវជ្រាវបែបចម្រុះ ដោយរួមបញ្ជូលការវិភាគទិន្នន័យពីស្ថិតិសុខភាពប្រជាសាស្ត្រកម្ពុជា (CDHS) ឆ្នាំ២០២១-២០២២ វិវេចនាទិន្នន័យ និងទិន្នន័យពីការសម្ភាស ព្រមទាំងការពិភាក្សាក្រុម។

• ភាសាខ្មែរ