ដើម្បីស្វែងយល់បន្ថែមលើការរាយការណ៍ថា សមាជិកសហគមន៍ជនជាតិដើមភាគតិច ដែលទទួលបានប័ណ្ណកម្មសិទ្ធិដីធ្លីសហគមន៍ អាចមានការលំបាកក្នុងការទទួលបានកម្ចី ការិយាល័យឧត្តមស្នងការទទួលបន្ទុកសិទ្ធិមនុស្សបានរៀបចំឱ្យមានការស្រាវជ្រាវស៊ីជម្រៅមួយលើសហគមន៍ជនជាតិភាគតិច ដែលបានទទួលប័ណ្ណកម្មសិទ្ធិដីសមូហភាព ដើម្បីប្រៀបធៀបកម្រិតនៃការទទួលបានឥណទានរបស់ពួកគេ ធៀបនឹងប្រជាពលរដ្ឋ ដែលនៅតាមភូមិជនបទទូទៅរបស់ព្រះរាជាណាចក្រកម្ពុជា។ ការសិក្សានេះត្រូវបានធ្វើឡើងចន្លោះពីខែ មិថុនា ដល់ខែ សីហា ឆ្នាំ២០១៧។ ការសិក្សានេះត្រូវបានធ្វើឡើងផ្អែកទៅតាមការពិនិត្យល្អិតល្អន់លើឯកសារពាក់ព័ន្ធនានា និងការចុះប្រមូលព័ត៌មានដល់មូលដ្ឋានជាមួយសហគមន៍ជនជាតិដើមភាគតិចទាំងអស់ ដែលបានទទួលប័ណ្ណក​ម្មសិទ្ធិដីសមូហភាពកន្លងមក។ ការសម្ភាស និងការពិភាក្សាក្រុមគោលដៅត្រូវបានធ្វើឡើងជាមួយនឹងតំណាងសហគមន៍ជនជាតិដើមភាគតិច គ្រួសារនីមួយៗ ក៏ដូចជាអ្នកផ្តល់សេវាហិរញ្ញវត្ថុនានា។

• ភាសាអង់គ្លេស