សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន ឃ្វីនធ៍ មេដើរ អ៊ិនដាសស្រ្ទៀល ខូអិលធីឌី (និយោជក) និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុនឃ្វីនធ៍ មេដើរ អ៊ិនដាសស្រ្ទៀល ខូអិលធីឌី (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន១ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) ទាមទារឱ្យនិយោជកឈប់រើសអើងសហជីពតាមរយៈការបណ្តេញសមាជិកសហជីព និងសកម្មជន។ សេចក្តីសម្រេច និងបង្គាប់នៃសេចក្តីបង្គាប់នេះ ដំណើរការ​អាជ្ញាកណ្តាលត្រូវ​បាន​បញ្ចប់​ដោយសារ​ភាគី​ការងារ​មិន​បាន​ចូលរួម​ក្នុង​សវនាការ​របស់ក្រុមប្រឹក្សាអាជ្ញាកណ្តាល។

• ភាសាខ្មែរ